何韻詩被12金釵擒啜
重演詩臣咀阿詩任十二釵摸啜
[轉載/Youtube] 何韻詩和十二金釵主演的舞台劇《賈寶玉》前晚在灣仔演藝學院完成九場演出，日前阿詩和陳奕迅（Eason）在黃偉文的作品展合唱《芳華絕代》時伸脷激吻兼摸胸，前晚現場繼續拿當日激吻事件做話題，演出時提到有雜誌封面標題竟是「喺後台見到何韻詩同容祖兒揸波同打車輪」，全場爆笑。完騷時，台上播出《芳》曲，十二金釵胸襲坐着的阿詩，當中包括與阿詩傳緋聞的路嘉欣，眾人狂摸阿詩兼咀嘴，阿詩尷尬得以手護胸，她還擊時捉住趙逸嵐咀對咀。導演林奕華上台也被十三女圍兼咀，他不禁說：「喺呢種時候，我希望我唔係基。」
事後阿詩強調是即興，對於連容祖兒都扯埋落水，她說：「你估真係咩？我呢排係咁俾人非禮，我係受害者，成千幾人望住，仲要問好唔好feel。」
