孖蘇永康齊寸唐英年 小齊嘆港人冇權選特首
女 fans攬到彈 小齊忍痛開騷( 2012-02-20 )
割完盲腸即踏紅館 小齊忍痛獻唱囝囝呵番
[轉載/Youtube] 任賢齊月初因盲腸炎需即時入院做手術，只休息個多星期前晚即在紅館開騷又唱又跳，期間因大笑令傷口疼痛要出手按着，幸好有囝囝上台獻花，即刻冧晒。一連兩場的「任賢齊神魔人世界巡迴演唱會」香港站，前晚在紅館開鑼，不少圈中好友捧場包括徐小鳳、關之琳、甄珍、金燕玲、梁錦松和老婆伏明霞等，小齊的女友Tina和仔女也在台下為他打氣。
陳昇扮林峯
小齊月初因盲腸炎要做手術，他只休息了個多星期即上台表演，不過見他精神奕奕還染了一頭銀白髮，甫出場更表演打鼓，又唱又跳，表現賣力，他笑說：「就算唱到傷口爆開都冇問題，唔使擔心我，我已經好番，又有咁靚嘅護士姑娘照顧我，我康復得好快。」
當晚小齊好友如魔幻力量、黃品源、陳昇和五月天上台擔任嘉賓，小齊的囝囝更上台獻花，他甫見囝囝即露出冧樣並搞笑說：「呢個小朋友好靚仔喎，你係邊家嘅小朋友呀？係呀，佢係我個仔。」小齊和黃品源合唱《那麼愛你為甚麼》後，小齊說：「我最記得做完手術後，護士成日問我放咗屁未，因為放屁即係排氣，排氣好重要，代表腸有郁動。」至於陳昇出場時則搞笑指自己扮「chok王」林峯，搞到得小齊和觀眾捧腹大笑，陳昇又取笑小齊幾乎笑到連腸都跑出來。
小齊孖康仔寸爆唐唐( 2012-02-21 )
孖蘇永康齊寸唐英年 小齊嘆港人冇權選特首
特首參選人唐英年因約道大宅僭建成為眾矢之的，前晚任賢齊在尾場個唱和蘇永康唱雙簧擺唐英年上枱搞氣氛，康仔稱若他識唱《那誰》才再考慮會否給機會他爭做特首，至於成為港人的小齊則坦言不明為何港人無權投票選揸弗人。
任賢齊舉行一連兩場的紅館演唱會前晚圓滿結束，好友黃品源、陳昇和五月天繼續擔任嘉賓，小齊也請來同公司的蘇永康表演，當他介紹康仔出場時說：「公司同事今年可以去旅行同埋食好嘢，都係多謝佢咋。」小齊坦言約10年前來港拍電影《星願》時，食、住和穿的皆有康仔贊助支持，令他無言感激，康仔聞言笑說：「真係估唔到10幾年後你竟然做咗我老闆。」
