唐英年無看3D成人電影
唐英年繼續會見不同界別人士，在電影業方面，就會見演員甄子丹和導演蕭定一。唐英年表示沒想到看過蕭定一拍的3D成人電影，又話政府應該為業界融資提供方便。
蕭定一：振英一家讓我吃驚
電影製作人蕭定一，與唐英年會面後表示，自己與梁振英做過鄰居，因為天台天線擺放問題，與梁振英太太發生爭執。他批評梁振英缺乏親和力。
龍豬 like肉蒲團 狼接紙瀨野( 2011-12-14 )
狼振英中伏 誤舉六四標語
騰震英起錨 check it out( 2011-12-14 )
[轉載/Youtube] 提起六四，狼振英一係就走夾唔唞，一係就老屈傳媒斷章取義。睇見佢今日狼相畢露，好多振英哥嘅粉絲都不禁一問：究竟當年雞乸咁大隻字登報話：「強烈譴責北京當局濫殺市民的冷血暴行，並沉痛哀悼為民主進步的中國而犧牲的愛國同胞」嗰位梁振英先生，究竟去咗邊！合照時獲紀念品
各位狼迷唔需要失望，因為22年前嗰個滿腔熱血、好有良知嘅振英哥，最近終於返咗嚟啦！近日喺facebook流傳一張相，相中嘅振英哥高舉一本貼有「VIIV」六四標語嘅小書，開懷合照。張相係上周六振英哥喺荷李活道舊警察宿舍出席一個設計活動時所影嘅，唔通振英哥當時真係預知到佢將會喺小圈子選舉中會失利，決定玩鋪勁，企喺民意嗰邊？
唔……如果你有呢個諗法，就未免太過天真喇。實情係，見慣風浪嘅振英哥，今次終於失守中伏，俾人「惡搞」。八方問過有份合照嘅建築師葉長安，佢話當時大家排排企同振英哥合照，點知有人上前畀咗份紀念品振英哥。咁振英哥份人好有禮貌，於是咪拎住份嘢繼續影相囉。
葉長安話，遞紀念品嘅人唔係請願，又冇解釋呢啲係乜，大家當時都唔覺有嘢，事後亦只覺得係小事一件。
網民話相當心凉
不過梁營中人就心有不甘。佢哋話，當日CY獲贈一袋紀念品，唔知道入面有乜東東，後來應記者要求拎啲紀念品出嚟影相，完全冇留意有張平反六四貼紙。網民就話狼振英平時跣得人多，今次終於到佢「中伏」，相當心凉。
