《偷窺》老細泵水 Jeana有樓有事業
[轉載/Youtube] 倒奶模何佩瑜（Jeana）和動漫Maggie李曼筠近日分別傳出緋聞，Jeana早前擲千萬掃豪宅，原來幕後金主是有米英國投資公司股東Victor Lee，男方更入股Jeana的經理人公司力捧她。動漫Maggie為求翻身，前晚騷腿陪新經理人Peter鬼祟睇黎明個唱。擁有34C不倒胸的何佩瑜近日被揭一口氣以1,500萬買下大圍豪宅名城兩個單位，她事後解釋是替朋友入貨，據知背後金主Victor Lee是一間英國投資公司的股東，也有份投資Jeana的經理人公司和舞台劇《偷窺》。
Jeana的有米新歡Victor年約30多歲，架黑框眼鏡，外形老實，是鑽石王老五，據悉他早前更低調看Jeana的舞台劇。對於有Victor撐腰，Jeana昨口窒窒說：「嗰日我同佢秘書去睇樓。」Jeana一直堅稱豪宅是代友入貨，換句話說供樓是由Victor負責嗎？Jeana說：「梗係，我家已經努力跑數，佢投資咗我公司，我賺多啲咪幫到佢供樓囉。」
李曼筠黐新老闆
另外，近日跳槽輝煌娛樂的34D動漫Maggie李曼筠，前晚亦碼實年逾40歲的新老闆Peter往紅館睇黎明個唱。兩人約9時趁開騷熄燈後才入場，刻意避開觀眾耳目，但Maggie穿紅裙現身，馬上被認出。Maggie的右手中指戴上搶眼碎鑽戒指，又帶着兩個iPhone。
黎明講金句時，Maggie頻打呵欠，真唔畀面，Peter又不時跟Maggie咬耳仔，兩人還提早離場，保持低調。對於睇騷一事，Peter昨強調Maggie剛過檔，要重新培訓：「佢遲啲要練唱歌跳舞，我咪帶佢睇黎明，佢話學到好多嘢。」
