萬寧哥哥暗嗒假波韓妹
[轉載/Youtube] 萬寧哥哥沈志明自從被指硬上模Cammi後，臭名遠播，由於香港好多人都知佢啲衰嘢，佢索性搵個唔識聽、唔識講中文嘅韓妹模特兒蔡恩真（EJ）拍拖。最近喺EJ嘅facebook發現好多佢哋嘅親密合照，EJ着住背心裙好high咁單起隻腳、舉起手挨落男友度，仲擠出反吸力湯碗胸㖭。其實EJ一早大方認咗14歲開始整容、隆胸，雖然係咁，但身材咁惹火，萬寧哥哥亦唔理真定假，晚晚拖新女夜蒲去wet，不醉無歸。
遭雪藏靠黐度日
聽講萬寧哥哥成日掛住拍拖，最終辣㷫埋經理人公司，覺得咁辛苦簽佢嚟香港做嘢，捧紅過一陣子，點知緋聞一單「杰」過一單，加上早前佢瞞住公司私下接內地登台工作，公司決定暫時雪藏佢。圈中仲流傳萬寧哥哥成日做「菠蘿雞」一味靠黐，食親嘢都係人哋畀錢，認真多是非。
