樂仔、黃伊汶遊日本傳翻撻
[轉載/Youtube] 黃伊汶（Emme）08年被傳難忍余文樂花心怒斬5年情，之後Emme同翻版李小龍陳國坤撻着。舊年10月有消息話小龍成功向Emme求婚，上月Emme出席活動時亦承認小龍係男友。不過，有人報料話大前日下晝喺日本東京銀座半島酒店撞見Emme同舊愛余文樂，當時佢兩個好似喺酒店check in，莫非玩復合？微博露端倪
咁啱近年轉咗做鐘錶女強人嘅Emme，最近去咗東京參加鐘錶展，上星期四佢仲放咗張身在東京嘅相喺微博。余文樂前日喺facebook上載嘅咖啡相，下面都有啲日文字，之後佢又貼咗日式牛肉火鍋嘅相上去，好明顯佢同Emme都身在日本。
噚日馮仁昭打電話問Emme，講到有人喺日本撞見佢哋，問佢哋係咪復合，Emme話：「吓？冇咁嘅事。」問Emme係咪喺日本？佢話：「係呀，咁又點呢？」余文樂噚日透過經理人回覆，承認自己去咗日本，但對於佢同Emme翻撻，佢話：「我同春嬌就翻撻。」
