地政署職員粗口喪鬧投訴人 歷時數分鐘 過程上載 YouTube
[轉載/Youtube] 一名一直揭露北區問題的「北區市政之星」，前日往彩園邨向地政總署地區辦事處投訴時，被一名員工怒斥是刁民，更被他以粗口斥責十分鐘。有公務員組織指出，若粗口清潔工是公僕，當局必嚴懲。投訴工程危及行人
不願上鏡的上水居民劉先生表示，前日下午 2時許途經彩園邨彩屏樓地下，行人路因掘路工程而全封，行人要行出馬路。地政總署新界行動組一辦事處就在旁邊，他於是按動門鐘投訴。三名男子出來，其中穿黃色外套姓張男職員，先斥劉找錯部門投訴，應向房屋署提出，「跟住一輪機關槍咁樣粗口，由辦公室裏面鬧到出面，有成十分鐘。」
劉先生用數碼相機拍下後半部約四分半鐘片段，上載至 YouTube。劉表示，張起初承認他是辦事處職員，但後來又否認，稱只是負責執垃圾和清潔。不過張在片中說「佢掘成咁，我都㷫，日日行出嚟成腳泥」，顯示他在該處工作。劉指他事後按辦事處大門密碼返回處內。
劉承認當日自己態度欠佳，但全程沒有爆粗。他在 YouTube另上載近十段片段，如數十名警員霸佔單車路緩跑；走水貨商人在後巷留下大堆垃圾；九巴車長開車吹水等，是區內「市政之星」。
地政總署發言人昨表示，未能即日核實張的身份，會調查，如屬實會作出適當跟進；該辦事處七名負責官員也沒回覆本報電郵查詢。
區議員：不能接受
彩園邨所屬的北區區議員蘇西智表示，該段行人路正進行鋪百歲磚工程，他認為公僕代表政府，向市民爆粗絕不能接受。
公務員工會聯合會總幹事梁籌庭表示，如公僕的工作需面對市民，會獲安排上相關課程，「佢哋明白代客之道係罵不還口，唔可以爆粗」。他指若事件屬實，有關員工至少會被口頭警告，再監守行為一年，可能不獲加薪，要多年才能洗底。
地政總署員工爆粗對話撮錄
劉：投訴人劉先生
張：疑是地政總署張姓職員
劉：你係咪喺地政總署（工作）？
張：我梗唔係地政總署，如果唔係點會ＸＸ你，儍Ｘ
劉：咁你點解會喺入邊？
張：我執垃圾，碌Ｘ，我清潔嚟㗎，戇Ｘ，Ｘ你老母
劉：咁冇乜嘢好講
張：講乜Ｘ嘢啫，你都儍嘅，我最Ｘ憎你呢啲刁民，不Ｘ知所謂，見嘢就投訴；教Ｘ精你，寃有頭債有主，佢掘成咁，我都㷫，日日行出嚟成腳泥
劉：你繼續講
張：黐唔黐，儍唔儍，擺上 YouTube都係咁話
