食環署用殘體字惹反感
[轉載/Youtube] 越來越多內地同胞落嚟香港，好多人擔心香港本土文化慢慢俾內地文化侵蝕；一啲舖頭為咗吸引內地遊客，仲將宣傳品價錢牌改晒殘體字，呢種劣幣驅逐良幣嘅現象，唔少地道香港人睇見已經呱呱嘈，話冇理由用殘體字代替正體字；最近仲有市民發現，旺角太子道附近一個巴士站，食物環境衞生署一個宣傳「齊齊努力，保持香港清潔」嘅廣告，竟然都用埋殘體字，明顯針對祖國同胞！文化評論人陳雲對呢個廣告非常反感，話歧視內地人兼破壞本土語言環境，將香港大陸化。用殘體字宣傳係咪堅有用？八方好懷疑，港鐵夠有普通話叫人唔好喺車廂飲食，咪一樣有同胞喺車廂內開餐食漢堡包！食環署發言人話向來都以唔同地方語言呼籲市民同遊客保持香港清潔喎。
