萬寧貓真身係美少女
萬寧貓仔 搵高山雪蓮救主人 廣告
Asian Adventure Cat to the Rescue - 萬寧貓咪故事 全集
[轉載/Youtube] 最近熱爆嘅廣告，肯定非萬寧嘅儍貓千里訪尋高山雪蓮救主人莫屬，人人睇完都大讚感動，諗起屋企隻儍貓唔知會唔會咁有主人心？廣告中嘅儍貓識行識走，一睇就知係人扮嘅，但大家可能估唔到，原來呢隻咁惹人憐愛嘅儍貓，本身都係一位相當可愛嘅美少女。
近日網上瘋傳萬寧貓嘅真身係美女少「米米」，佢喺 facebook個人相簿度貼咗好多拍攝期間嘅相，相中嘅佢笑容可掬；但背後肯定有唔少辛酸。隻道具貓外殼又重又厚、可以想像「米米」一定焗到飆晒汗，有張相仲見到佢全身貼咗一塊塊咁嘅嘢，驟眼睇落好似因為工傷而要貼紗布，擔心死一眾粉絲；睇真啲原來係退熱貼，估計「米米」係用嚟散熱。唔知現實中，又有冇儍貓肯為「米米」赴湯蹈火呢？
