溫室培育誓做千億岳母 徐淑敏百日宴晒靚B女
[轉載/Youtube] 徐淑敏（Suki）短短兩年，由咪神變潮媽，連生兩女的她身形依舊弗爆。她於大除夕為幼女黃心柔（Renee）搞百日宴，小B女以娃娃造型現身，可愛爆燈。Renee才三個月，成長路漫長，但Suki已開始栽培她成材，大發千億岳母夢，希望將來早日嫁女抱孫。徐淑敏去年9月誕下幼女黃心柔後，馬上收身復工，日前大除夕更在大埔為囡囡搞百日宴，順便約齊友人開P倒數，三代同堂。
停餵輻射人奶
幼女Renee的百日宴不及胞姊黃心瑤（Vianna）的大型，難免予人偏心感覺，Suki昨日在電話中說：「奶奶都有咁覺得，我都係屋企細女，所以感受好深，老公答應我哋今年9月生日時，三個壽星一齊開P補數。」
為着女兒健康，Suki自Renee出世即餵哺人奶，轉眼小B女已三個月大，長得肥肥白白，體重逾14磅，樣子更倒模自媽咪般，問到Suki還有餵人奶嗎？她說：「因為之前同老公去咗日本，我返嚟就唔敢餵人奶畀囡囡，怕有輻射，始終心理作用怕影響BB。」
Suki笑言要栽培Renee像徐子淇一樣做千億新抱，她說：「邊個父母唔想子女將來得到幸福，不過到佢哋嘅年代，可能要過30歲先肯結婚。」
發展美容事業
兩女尚幼，Suki還未圓追仔夢，但卻恨抱孫，她說：「我見到媽咪同奶奶抱住BB，我都幻想自己將來咁樣，我到時會幫佢哋湊㗎。」Suki表示今年未有意追龍仔，但卻獲老公答應打本大搞美容生意。
