高叫：買嘢送阿媽 然後手袋遮鏡頭 童黨三人扮孝子偷竊
[轉載/Youtube] 「買啲嘢送畀阿媽先…… 」兩男一女青少年組成偷竊三人組，前日三次進入荃灣荃新天地商場一間手袋專門店，裝模作樣高聲念台詞，聲稱買禮物送給母親，公然在閉路電視鏡頭旁邊，以身體及貨物掩護，偷去兩個總值1,600元皮錢包逃之夭夭。店舖負責人事後報警，嘆謂︰「家啲細路離譜兼猖狂……」暫時無人被捕
遇竊店舖Paprika Red，位於大河道荃新天地一期商場地下高層，專賣手袋錢包，衣服及精品。店內貨架邊裝有離地五呎多防盜鏡頭，位置極為當眼，亦有警告字句。
兩男一女偷竊三人組年僅10餘歲，包括長髮肥妹及四眼少年。防盜影帶顯示，偷竊三人組非常猖狂，長髮肥妹站在鏡頭正前方，與同黨用身體「單擋」掩護，由四眼仔負責落手偷竊。肥妹邊偷邊笑取起手袋貨物遮蔽鏡頭，但各人面容及偷竊過程，全部被納入鏡頭。
店舖負責人周先生指，偷竊三人組於前日傍晚6時30分、6時55分及7時26分，三次進入店舖，最後一次只逗留大約一至兩分鐘，未有購物一哄而散。
當時店員忙於招待其他顧客，事後發現兩個共值1,600元台灣Sobdeall沙伯迪澳品牌錢包被掠去，於是致電報警，暫時未有人被捕。
