陳潔儀獻波餅 趙增熹打冷震
陳潔儀開個唱抽趙增熹水
[轉載/Youtube] 一連兩場「陳潔儀x趙增熹 傾城音樂會」前晚在灣仔會展開鑼，陳潔儀（Kit）險在台上仆倒，幸無礙其演出，Kit全晚表現風騷，在台上向拍檔趙增熹示愛之餘，又從後攬着他施胸壓，嚇得他打冷震。陳潔儀和趙增熹前晚在灣仔會展開騷，葉童夫婦、何超儀、Eric Kwok、趙學而、袁詠儀、張智霖及蔡一傑等現身捧場。曾揚言會以性感打扮開騷的Kit，甫出場便穿低胸長裙展露事業線。
「少少鍾意佢」
之後Kit抵死地向趙增熹示愛，Kit指初認識趙增熹時，會經常相約幾個男仔和女仔一起偷看他彈琴，趙增熹奇怪地問為何有男仔？Kit向台下觀眾笑說：「其實佢市場好廣，因為佢彈琴時個樣好chok、好野性，會殺死好多人。其實我哋幾心有靈犀，夾到有少少鍾意咗佢。」趙增熹被嚇得呆立當場，並尷尬說：「玩夠嘞！」Kit才改口說：「我哋只限於音樂上嘅合作。」
少開金口的趙增熹又跟Kit合唱一曲，Kit唱完從後攬吻趙增熹兼胸壓他，趙增熹便還擊作狀打冷震，並笑指今次演出是冇錢賺。
前晚有林子祥（阿Lam）和蘇永康任表演嘉賓，Kit穿上另一條低胸裙與康仔合唱，康仔笑言不知應望哪裏。之後Kit與阿Lam合唱時換上一條蛋糕裙，她落樓梯時有人扶着，但Kit仍不小心絆腳險跌倒。
林子祥呷醋
阿Lam看見Kit笑着投訴：「點解同康仔唱唔係着成咁？到我完全埋唔到身。」Kit亦識做讚阿Lam很性感，並說：「阿Lam唱歌同說話係兩回事，細聲講嘢係想啲女仔要埋身聽佢講嘢。」阿Lam拉埋趙增熹落水說：「呢條友唔出聲㖭！幸好我入行早、參加歌唱比賽時未有趙增熹做評判。」弄得趙增熹流晒汗。
