泛民選舉論壇逼表態 為六四默哀 唐梁睜着眼睛
[轉載/Youtube] 泛民主派昨舉辦特首選舉論壇，有如電視辯論前哨戰。泛民候選人何俊仁佔盡主場之利，兩名建制派候選人唐英年、梁振英卻相繼「中伏」，前者被狂質「你滾過幾多個女人﹖」後者被要求就六四事件表態，提問者更利用發言時間，即場發起為六四死難者默哀，結果只得何俊仁響應，唐、梁二人卻睜着眼，表情尷尬。 選舉論壇問答精華
•唐英年婚外情
問：有錢就可以去滾，你滾過幾多個女人？（參加者熱烈拍手）
唐：我唔認為呢個問題要拍手，我係承認過有感情缺失，我嘅太太亦原諒咗我，我唔想涉及第三者...呢個同數字冇關，我唔會答你呢個問題。
問：你同唔同意今次有人有組織打低你？
唐：今次選舉艱巨，充斥有組織、有系統醜聞。
•梁振英被指涉黑金
問：你涉及黑金政治，有調查又話你會實行特務統治，你點睇？
梁：我嘅社交圈子中，我不認為有三合會人士。之前有報道我喺城大校董會涉及利益衝突嘅事件，傳媒搵到內部文件，可能呢啲係特務行為。我唔認為我做過有關特務嘅嘢。
•23條立法
問：上任後會否為23條立法？
梁：特區有憲制責任為23條立法，適當時我會為23條立法。
唐：呢個問題一定要解決，我有信心消除市民對23條嘅恐怖，但要有共識，不等於雙普選後有共識。
•六四
問：你今年會否悼念六四？解放軍有冇殺人？
梁：我關心國家人民嘅立場不變，我哋有共同經歷，我諗我同你睇嘅係同一報道。
唐：六四當晚，我相信在座每一個人都有感受，有人死唔值得笑，呢個係好嚴肅嘅問題，作為特首，要確保言論表達自由。
