祖兒回應緋聞：面皮厚唔避忌
[轉載/Youtube] 何韻詩近日被傳與台灣藝人路嘉欣撻著，兩人為舞台劇綵緋同時現身，並應記者要求大方合照，阿詩被問到好友容祖兒被傳有新戀情？她開心地說：「恭喜佢有新人物、角色加入，希望佢可以甩到我身，唔好成日拉我落去。」對於被指與祖兒分手？阿詩說：「同容小姐一齊、分開、結婚都係大家假想同幻想，大家今次設定分手就要Keep住，咁多年都話佢多人追，其實我都好多人追。」容祖兒被傳與導演Heison撻着，不過容祖兒被追問新緋聞時，自嘲久旱逢甘露，她說：「真係Ｒ晒頭，識佢好幾年，新聞出來後好多朋友都笑。」問到容祖兒為何借車給對方駕駛？她解釋：「有時自己懶，冇乜所為。（有冇發展機會？）睇緣份，自己唔睇重感情，專注工作先。」
對於與何韻詩分手傳聞，祖兒說：「算啦！咩『情節』都發生過，我當故事咁睇，我哋面皮厚唔避忌。」
