《才女彈》白姐姐：轟下台
[轉載/Youtube] 特區將亡，特別多牛鬼蛇神出動。白韻琴（圖）噚日出席《城市論壇》，忽然鬼上身話要代表「阿爺」傳話，用普通話連珠發炮，「曾蔭權這個小崽王八蛋……丟盡了我們中國人的面子」；之後又扮鄧小平回魂，用四川口音話：「不管黑貓白貓，捉到老鼠就是好貓……這個曾蔭權有清官不做，走去做貪官」。江澤民應該未死，但白姐姐都要急call佢上身，轉用上海話講轟煲呔下台，但呢種自high娛賓式唔係人人受落，有現場阿叔直情大叫「老妖怪收聲」，搞到喺台上做嘉賓嘅男友謝偉俊好尷尬。主持人謝志峰話如果當年做記者時有白姐姐幫手就好，因為喺兩會期間聽鄧小平講四川話，真係聽到頭都大。
